ТВ НОВА 12

Вести во Гевгелија и пошироко

ЗАПОЧНА МЕМОРИЈАЛНИОТТУРНИР „ИВАН ПЕНОВ“

Во чест на Иван Пенов, кошаркарот на КК „Кожув“, кој прерано и трагично го загуби животот во февруари оваа година, во Гевгелија вчера започна Меморијален турнир во баскет 3×3. Меморијалниот турнир ќе трае до 4 август, денот на раѓање на Пенов. а натпреварите помеѓу пријавените екипи од Општина Гевгелија се играат на кошаркарското игралиште позади Детската градинка „Цветови“ во Гевгелија, која синоќа беше преполна со љубители на кошарката и роднини и пријатели на Иван. Меморијалниот турнир има натпреварувачки карактер, учествуваат 16 екипи 2000-2005 г. и 8 екипи 2006-2011 г. За победниците се предвидени парични награди, за прво место 400, за второ 200, а за трето место 100 евра. Ќе биде прогласен и победник во шут за 3 поени, а доделени и признанија за МВП на турнир и МВП на финале.
Инаку, целта на оваа акција е името на Иван Пенов да остане запаметено, со тоа што игралиштето ќе го користат сите деца кои сакаат да спортуваат и играат кошарка, продолжувајќи го патот на прерано згаснатиот кошаркар. Овој Меморијален турнир, кој се одржува во пресрет на неговиот роденден, 4 август, ќе биде традиционален.

Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.

За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!

Напишете коментар

Вашата адреса за е-пошта нема да биде објавена. Задолжителните полиња се означени со *