ТВ НОВА 12

Вести во Гевгелија и пошироко

И ДЕЦАТА ВО НОВ ЗЕЛАНД КАКО И ВО ГЕВГЕЛИЈА СО РЕСПИРАТОРНИ ЗАБОЛУВАЊА ГО „НАПЛАЌААТ“ ДОЛГОТ НА „ЗАСПАНИОТ“ ИМУНИТЕТ

Новозеландските болници, слично како гевгелиската, доживуваат наплата на „долгот на заспан имунитет“ создаден од заклучувањата за време на пандемијата Ковид-19, со одделенија преплавени од бебиња со потенцијално смртоносен респираторен вирус.
Велингтон има 46 деца во моментов хоспитализирани со респираторни заболувања, вклучително и респираторен синцицијален вирус или РСВ. Голем број се доенчиња, а многу се на кислород. Другите болници исто така доживуваат пораст на случаи кои ги намалуваат нивните ресурси – некаде има одложувања на операциите или претворање на игротеки во клинички простор.
И во Општата болница во Гевгелија, по изјавата на началничката на Детското одделение, д-р Љупка Урумова за ТВ Нова12, јавноста беше запозната за 50 – на заболени деца од респираторна инфекција во текот на месец јуни, во време кое е нетипично за вакви заболувања, проследени дури и со тешки бронхопневмонии.
Веднаш реагираше Министерството за здравство, и наредниот ден тим од Универзитетската детска клиника од Скопје, предводен од доктор Аспазија Софијанова ја посети гевгелиската болница. По анализирањето на земените брисеви и крв во Скопје, утврдено е дека ниту едно од педесетте деца немало антитела на ковид-19 а министерот Филипче потврди дека зголемениот број на случаи е резултат на разбудениот имунолошки систем по изолацијата за време на пандемијата, а дека се работи за респираторен синцицијален вирус или РСВ
РСВ е честа респираторна болест. Кај возрасните, генерално, произведува само многу благи симптоми – но може да ги направи малите деца крајно болни, па дури и да бидат фатални. Големината и сериозноста на епидемијата на Нов Зеланд веројатно некои лекари од педијатрија го нарекоа „долг на имунитетот“ – каде што луѓето не развиваат имунитет на други вируси потиснати од заклучувањата поради ковидот предизвикувајќи случаи кои експлодираат.

Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.

За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!

Напишете коментар

Вашата адреса за е-пошта нема да биде објавена. Задолжителните полиња се означени со *