ДРЖАВНАТА ВИДЕОЛОТАРИЈА „КАСИНОС АВСТРИЈА“ ЌЕ ДОНИРА СРЕДСТВА ЗА ИЗГРАДБА НА ПОВЕЌЕНАМЕНСКО СПОРТСКО ИГРАЛИШТЕ КАКО И ДЕТСКИ ПАРК ВО ГЕВГЕЛИЈА.

Државната Видеолотарија Касинос Австрија во склоп на своите заложби за општествена одговорност, отпочна со реализација на амбициозниот проект за изградба на повеќенаменски и спортски игралишта низ целата земја, како и детски паркови

Така, на наредната седница на Советот на општина Гевгелија ќе се најде Предлог –одлуката за примање на донација од Државната Видеолотарија Касинос Австрија за уредување-реконструкција на мултифункционален терен за ракомет, фудбал и кошарка, како и изградба на детски парк. Во Гевгелија, тие сакаат да донираат средства за изградба на едно мултифункционално спортско игралиште за ракомет, кошарка и фудбал, на просторот на Ракометното игралиште кај стадионот на ФК „Кожуф“, како и детско игралиште и парк, на просторот пред социјалните згради, во близина на кружниот тек на Булеварот „Гевгелија“опремено со различни детски играчки, меѓу кои ќе има и такви прилагодени за децата со посебни потреби.

Целта ни е, велат од Видеолотарија Касинос Австрија, да ги активираме младите, да ги поттикнеме да се дружат и да развиваат здрави навики. Јасно ни е дека децата мора да имаат простор каде може да уживаат во безгрижно детство, па затоа и одлучивме да го подготвиме овој амбициозен проект низ кој ќе обезбедиме децата да добијат повеќенаменски и спортски игралишта на неколку локации во земјата.